曾經患上前列腺癌嘅錦成，喺上一集就得到兩位醫生嘅幫忙，換咗一個潮人髮型，令人眼前一亮，但係望一望佢著開嘅衫褲，「黑色、灰色，又係黑色」，全部都係又沉又悶嘅顏色，望落真係唔多OK喎！
嚟到大改造下半場，再多兩位醫生出馬，包括梁君豪醫生及臨床腫瘤科專科林河清醫生，佢哋非常落力幫錦成設計新造型，配襯Sharp色衫褲，成個人望落去即時精神咗好多，開心到錦成影相時甫士擺唔停！
仲有呀，梁君豪醫生及林河清醫生知道錦成都會擔心自己個病復發，所以都介紹咗好多新嘅治療方法比錦成認識，希望減低錦成嘅憂慮，繼續「前」行！
大家想睇吓錦成改造完點樣精神奕奕、容光煥發，就快啲睇片啦！
片段內容僅供參考，所有預防及治療方法都有不同的成效、副作用及風險。如有疑問，請向主診醫護人員查詢。